Святой час уже наступил, и, когда земная Москва поднялась навстречу Воскресшему Христу и ждала Его в золотых огнями храмах, над этою зримою Москвой уже незримо стояла ополченная на молитву другая — небесная, вечная Москва.
- Канон Пасхи. Песнь 5 (аудио)
- Канон Пасхи. Песнь 4 (аудио)
- Канон Пасхи. Песнь 9 (аудио)
- Пасха
- Вознесение Господне
- День Святой Троицы
- Преображение Господне
- Успение Пресвятой Богородицы
- Рождество Пресвятой Богородицы
- Воздвижение Креста Господня
- Введение Богородицы во храм
- Рождество Христово
- Крещение Господне
- Сретение Господне
- Великий пост
- Благовещение Пресвятой Богородицы
- Вход Господень в Иерусалим
Молитвами святых отец наших, Господи Иисусе Христе, помилуй нас. Аминь.
Христос воскресе из мертвых, смертию смерть поправ, и сущим во гробех живот даровав. (Трижды)
Глас 6:
Воскресение Христово видевше,/ поклонимся святому Господу Иисусу,/ единому безгрешному./ Кресту Твоему покланяемся Христе,/ и святое воскресение Твое поем и славим:/ Ты бо еси Бог наш,/ разве Тебе иного не знаем,/ имя Твое именуем./ Приидите вси вернии,/ поклонимся святому Христову воскресению:/ се бо прииде Крестом радость всему миру./ Всегда благословяще Господа,/ поем воскресение Его:/ распятие бо претерпев,// смертию смерть разруши. (Трижды)
Ипакои, глас 8:
Предварившия утро яже о Марии,/ и обретшия камень отвален от гроба, / слышаху от Ангела:/ во свете присносущнем Сущаго,/ с мертвыми что ищете, яко человека;/ видите гробныя пелены, тецыте, и миpy проповедите,/ яко воста Господь, умертвивый смерть,// яко есть Сын Бога, спасающаго род человеческий.
Кондак, глас тот же:
Аще и во гроб снизшел еси, Безсмертне,/ но адову разрушил еси силу,/ и воскресл еси яко победитель, Христе Боже,/ женам мироносицам вещавый: радуйтеся,/ и твоим апостолом мир даруяй,// падшим подаяй воскресение.
Во гробе плотски, во аде же с душею яко Бог,/ в раи же с разбойником, и на престоле был еси, Христе, со Отцем и Духом,// вся исполняяй неописанный.
Слава Отцу и Сыну и Святому Духу:
Яко живоносец, яко рая краснейший,/ воистину и чертога всякаго царскаго показася светлейший, Христе, гроб Твой,// источник нашего воскресения.
И ныне и присно и во веки веков, аминь:
Вышняго освященное Божественное селение, радуйся:/ Тобою бо дадеся радость, Богородице, зовущим:// благословена Ты в женах еси, всенепорочная Владычице.
Господи, помилуй. (40 раз)
Слава Отцу и Сыну и Святому Духу; и ныне и присно и во веки веков, аминь.
Честнейшую херувим и славнейшую без сравнения серафим,/ без истления Бога Слова рождшую,/ сущую Богородицу Тя величаем.
Молитвами святых отец наших, Господи Иисусе Христе, помилуй нас. Аминь.
Христос воскресе из мертвых, смертию смерть поправ, и сущим во гробех живот даровав. (Трижды)